Leintz Gatzagak ondorengo baserri auzoak ditu, Goierri, Olaun, Andra Mari eta Iñurrieta. Auzo hauetan baserri dotore eta ederrak daude. Bailaran industriaren eztanda izan zen arte, bertako bizitzaren oinarri izan da baserria, nekazaritza eta abeltzantzan iharduten zuten. Baserritarra izan da basoak eta ingurunea zaindu eta gorde duena.
Gaur egun 35 baserri daude Leintz Gatzagako lurretan zehar sakabanatuak.
